"Динамо" Одил Абдумажидов билан шартнома тузилганини расман эълон қилди

Куни кеча Sports.uz орқали Одил Абдумажидов "Динамо" билан шартнома имзолагани хусусида хабар бергандик. Бугун клуб матбуот хизмати расман шу ҳақида маълумот берди ва бизнинг хабар тасдиқланди.

«Динамо» жамоаси Суперлига янги мавсуми олдидан таркибини кучайтиришда давом этмоқда.

Жамоа сафида БААдаги йиғинда иштирок этган ва ҳозирда Туркиядаги ўқув-машғулот йиғинида ҳам қатнашаётган Одил Абдумажидов клуб билан бир йиллик шартномага имзо чекди.

Ҳуқуқий жиҳатдан «Металлург» клубига тегишли 22 ёшли марказий ҳимоячи 2022 йилги мавсумда Қозоғистонинг «Ордабаси» клубида 23 ўйинда 2 та голга муаллифлик қилган бўлса, 2023 йилни «Олимпик» сафида ўтказиб, Суперлигада 24 ўйинда битта голга муаллифлик қилган", - дейилади клуб матбуот хизмати хабарида.