"Динамо" ўз майдонида Тошкент клубидан очко олди

Ўзбекистон Суперлигаси 20-туридан ўрин олган "Динамо" - "Олимпик" учрашуви якунига етди. Унда томонлар 1:1 ҳисобидаги дурангга имзо чекди.

Дастлаб, 35-дақиқада Марат Бикмаев аниқ зарбаси билан ҳисобни очди. Бўлим сўнгида Руслан Жиянов 11 метрлик жаримадан йўллаган зарбаси эвазига мувозанатни тиклади.

Шу тариқа, "олимпиячилар" очколари сонини 24 тага етказиб олган ҳолда, 8-ўринга кўтарилиб олди. Сўнгги поғонадаги самарқандликлар 9 очко жамғарган.