"Динамо" "Сўғдиёна"га имкониятни бой берди

Про-лига янги мавсумига тайёргарлик кўраётган “Динамо” жамоаси Тошкентдаги йиғин доирасида иккинчи ўртоқлик учрашувини ўтказди.

Ушбу баҳсда Ҳаким Фузайлов жамоасига Улуғбек Бақоев бошқарувидаги “Сўғдиёна” рақиблик қилди. Учрашув давомида икки жамоа таркибида ҳам бир қатор футболчилар синовдан ўтказилди.

Ўйиннинг 90+2-дақиқасида Нодир Қўйбоқовнинг голи Жиззах жамоасига ғалаба келтирди – 1:0.

Шу куни ўйиннинг иккинчи бўлимида “Динамо” сафида жанубий кореялик легионер футболчи майдонга тушиб, кўрикдан ўтказилди. Лекин унинг клубда қолиши номаълум.

Ўртоқлик учрашуви. Тошкент

5 февраль (жума)

“Динамо” – “Сўғдиёна” - 0:1

“Динамо”: Фарҳод Раҳматов, Жасур Ҳасанов, Обид Жўрабоев, Комил Шарофутдинов, Ислом Шарипов, Жамшид Ҳасанов, Олег Марчук, Шохруҳ Абдураҳмонов, Темур Ҳакимов, Сардор Эминов, Михайло Удод.

Захирадан майдонга тушганлар: Сирож Мелиев, Акмал Козимов, Темур Усмонов, Фахриддин Алимов, Жавлон Маликов.

"Динамо" клуби матбуот хизмати.