Диёр Имомхўжаев бошчилигидаги делегация Суперкубок ўйини олдидан "Турон" стадионини кўздан кечирди
Аввал хабар берганимиздек, жорий йилнинг 27 февраль куни Яйпан шаҳридаги “Ўзбекистон” ўйингоҳида Ўзбекистон Суперкубоги учрашуви бўлиб ўтади. Айни кунларда ушбу ўйингоҳ худудида мазкур учрашувга тайёргарлик жараёни қизғин руҳда давом этмоқда.
“Турон” матбуот хизматининг хабар беришича, бугун ЎзПФЛ бош директори Диёр Имомхўжаев бошчилигидаги ишчи гуруҳ Яйпан шаҳрига ташриф буюрди. Ташриф давомида ЎзПФЛ делегацияси “Ўзбекистон” ўйингоҳида Суперкубок учрашувига олиб борилаётган тайёргарлик ишлари билан яқиндан танишди. Жумладан, футбол майдонининг айни дамдаги ҳолати, ўйингоҳ ҳудудида ОАВ вакиллари ва томошабинларга яратилган шароитлар ўрганилди.
Шунингдек, клуб президенти Олимхон Аҳмедов томонидан ЎзПФЛ делегациясига янги барпо этилаётган замонавий қароргоҳ яқиндан таништирилди.
Фикрлар
Shu turnirni Namanganda utkazganda muhlislar dan tushgan pul orqali qancha pul ishlab olishi mumkin edi....
UFA reklama va boshqa tomonlarni ham uylashi kerak.
Namanganda uyin bulsa qirgiston va qozogistondan ham muhlislar kelyapti.
Buni uylash kerak......