Диёр Имомхўжаев

ЎзПФЛ бош директори вазифасини бажарувчи Диёр Имомхўжаев Суперлиганинг энг ёрқин жамоаларидан бири, жорий мавсум кумуш медалларни қўлга киритган "Насаф"нинг ОЧЛда иштироки ҳақида фикр билдирди:

"Насаф" кетма-кетма иккинчи бор лицензияни қўлга кирита олмаяпти, ундан аввалгисида эса, лицензия шартли равишда берилган. Шунинг ўзиёқ ҳаммаси тасодиф эмас, балки айб клубнинг ўзида эканини англатади. Яъни, сўнгги икки уринишдан тегишли хулоса чиқарилмаган. ЎФА бу масала бўйича алоҳида йиғилиш ўтказган. Клуб раҳбарияти иштирок этган учрашувда муаммонинг асл сабаби аниқланган. Вақти келиб, клуб бу борада ўз мухлислари учун расмий тушунтириш бериши адолатдан бўлади.

ОФК лицензиялаш талабини содда қилиб тушунтирсак, унда барча клублар жами 262 та банд бўйича талабни бажариши лозим бўлади. "Насаф" шуларнинг фақатгина 171 тасига жавоб қайтарган, қолганлари очиқ қолган. Жавоб қайтарилган 171 та банднинг айримлари бўйича ҳам саволлар бор. Бундай ҳолатда ОФК лицензиясини олиш мумкин эмас.

"Насаф" 2020 йилни фантастик тарзда ўтказди, дейиш мумкин. Биз Бердиев жамоаси намойиш этаётган ўйин олдида шляпамизни ечишимиз керак. "Насаф" ҳеч бир катта трансферларсиз ва қўшимчасига, молиявий қийинчиликлар билан ҳам катта ирода намойиш эта оляпти. ЎзПФЛ буни қадрлайди, шунинг учун ҳам ташкилот ЎФА билан маслаҳатлашиб, "Насаф"нинг халқаро майдондаги иштироки юзасидан ОФКга расмий мурожаатнома юбориб улгурган.

Бироқ ҳолат шундайки, "Насаф"нинг Чемпионлар лигасида иштирок этиши барибир катта сўроқ остида. Биз буни тушуниб турибмиз, поезд аллақачон кетиб бўлган, жуда кичик умид бор. Аммо клуб ҳеч бўлмаганда, ОФК кубогида иштирок этиши мумкиндир, балки. ОФК ишни кўриб чиқиб, ўз хулосасини тақдим этса, бундан албатта, мухлисларни хабардор қиламиз.

Маълумот учун, 2021 йил учун Ўзбекистон клубларига 1+1+1 квотаси тақдим этилган. Чемпион сифатида "Пахтакор"нинг Чемпионлар лигаси гуруҳ босқичида иштирок этиши аниқ. Кубок учун эса, кураш давом этяпти. Агар кубок "Пахтакор"дан бошқа клубга насиб этса, ўша клуб Чемпионлар лигасининг саралаш босқичида иштирок этади. Агар кубокда ҳам "Пахтакор" зафар қучса, у ҳолда, "Насаф" 2-ўрин соҳиби сифатида саралашда иштирок этиши керак эди. Аммо лицензиялаш билан боғлиқ муаммо бор. Демак, Ўзбекистоннинг иккинчи клуби ОЧЛ саралашини муваффақиятли босиб ўтиб, гуруҳ босқичига йўл олса, у ҳолда, "Насаф"да ОФК кубогида иштирок этиш имконияти бўлади. Бунинг учун бизга ОФК хулосаси керак бўлади".

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Дилшод Даврлнов
14/12/2020 15:21
Хамманг пахтакорникига пахта куйларинг Узимиздан чикаётган Фудболчиларни йирга урларинг Порахурлар ЖХ чимпионатига Корупсион иллат бор экан хуй чмкасанлар Насафнинг шундай холатга тушиб колишига Каламушлар айибдор Хартарафдаги каламушлар
Baxil Alihuja
14/12/2020 19:00
Бандларни бажариш борасида УзФА ва УзПФЛ хам ёрдам бермайди-ми ёки факат пахтачига ёрдам беришади-ми? Насаф клуби яхши менежер ёрдамида бандларни бажариши мумкин!
&
Sash
15/12/2020 01:01
Tushunmadim bu yibandi gapiga.