Доннарумманинг “Сити”даги маоши маълум бўлди
“Манчестер Сити” таркибида авлодлар алмашинувини амалга ошириш жараёнида асосий дарвозабон сифатида ПСЖдан кетиши аниқ бўлган Жанлуижи Доннаруммани олиб келмоқчи.
Бир неча нуфузли манбалар томонлар ўртасидаги музокаралар ижобий якунланаётгани ва италиялик голгипер Манчестерга кўчиб ўтишга розилик бергани ҳақида маълумот тарқатмоқда.
La Stampa нашрининг ёзишича, Доннарумма “шаҳарликлар” сафига кўчиб ўтгандан кейин йилига 12 миллион евро миқдорида маош олади. Бундан ташқари, унинг натижаларига қараб, турли бонуслар ажратилиши кўзда тутилган.
“Манчестер Сити” мутасаддилари ПСЖдан унинг бир йил қолган шартномасини сотиб олиш учун 35 миллион евро миқдорида маблағ сарфлаши айтилмоқда.
“Милан” тарбияланувчиси бўлган Жанлуижи Доннарумма “Пари Сен-Жермен”да 2021 йилдан бери фаолият кўрсатиб келади. Моҳир дарвозабон ҳозиргача ПСЖ сафида 161 та учрашувда қатнашиб, шу ўйинлардан 56 тасида дарвозаси дахлсизлигини сақлаб қолган.
Фикрлар