Дуглас Коста фаолиятини қаерда давом эттириши аниқ бўлди

Яқиндагина "Ла Гэлакси"ни тарк этган Дуглас Коста ўзига янги жамоа изламоқда. У айни пайтда Саудия Арабистонида бўлиб турибди. 

Инсайдер Фабрицио Романо хабар беришича, Саудиянинг 3 та клуби вингер билан музокаралар олиб боряпти. У катта эҳтимол билан фаолиятини шу ерда давом эттиради. Коста "Ювентус"ни қайтишни ҳам истайди, лекин туринликлар бу трансфер устида ишлаётгани йўқ. 

Маълумот учун, Дуглас 2022 йили ёзда "Ювентус"ни эркин агент сифатида тарк этиб, АҚШ клубига қўшилганди. Футболчи фаолияти давомида "Бавария"да ҳам ўйнаган.