Дуглас Коста фаолиятини Туркияда давом эттирадиган бўлди

Айни пайтда эркин агент бўлиб турган Дуглас Коста фаолиятини Туркия чемпионатида давом эттирадиган бўли, дея хабар бермоқда инсайдер Фабрицио Романо. 

Журналистнинг сўзларига кўра, бразилиялик вингер "Самсунспор" клуби билан 2026 йилгача амал қиладиган шартнома борасида келишувга эришди. Тез орада бу трансфер расман эълон қилинади. 

Коста сўнгги бор "Ла Гэлакси" жамоасида тўп сурди. Шунингдек, футболчи фаолияти давомида "Бавария" ва "Ювентус"даги ўйинлари билан бизга яхши таниш. 

Маълумот учун, "Самсунспор" клуби айни пайтда турнир жадвалида 16-ўринда турибди.