Дунёнинг энг қиммат дарвозабони ижарага берилади
“Челси” раҳбарияти “Ренн” дарвозабони Эдуард Мендини сотиб олгач, ишончни оқламаган посбон Кепа Аррисабалагани ижарага бериб юборишга қарор қилди.
The Sun нашри тарқатган хабарга кўра, “аристократлар” 25 ёшли испаниялик посбоннинг ижараси бўйича таклифларни кўриб чиқишга тайёр. Бундан аввалроқ, Кепага “Севилья”дан қизиқишлар бўлаётгани ҳақида хабарлар тарқалган эди.
“Челси” Аррисабалагани 2018 йил “Атлетик”дан 80 млн еврога сотиб олган эди. Айтиш лозимки, Кепа айни дамда дунёнинг энг қиммат дарвозабони ҳисобланади. У ўтган мавсум АПЛда 33 та ўйинда майдонга тушди ва ўз дарвозасидан 45 та гол ўтказиб юборди.
Фикрлар