Дзюдочиларимиз Тбилиси "Катта Дубулға" турнирини 2 та медал билан якунлашди!

Хабарингиз бор, 22-24 март кунлари Грузия пойтахти Тбилиси шаҳри дзюдо бўйича "Катта Дубулға" турнирига мезбонлик қилди. Уч кун давомида дунёнинг 5 қитъаси 83 давлатидан келган 531 нафар дзюдочи мусобақа медаллари ҳамда Париж-2024 Олимпиадаси йўлидаги қимматли рейтинг очколари учун татамига чиқди. 

Ўзбекистон терма жамоасининг 18 нафар аъзоси ҳам Тбилиси татамиларида ўз маҳоратини намойиш этди. Илиас Илиадис шогирдлари якунда иккита кумуш медал билан умумжамоа ҳисобида 83 давлат орасида 12-ўринни эгаллади. Сардор Нуриллаев (-66 кг) ва Шарофиддин Болтабоев (-81 кг) терма жамоамизга кумуш медалларни тақдим этишди. 

Ўзбекистон дзюдо федерацияси матбуот хизмати!