ЕЧЛ, "Реал" ўз майдонида "Челси" билан дуранг ўйнади

Европа Чемпионлар Лигаси ярим финал босқичидан ўрин олган "Реал" - "Челси" учрашуви ўз якунига етди. Унда томонлар 1:1 ҳисобидаги дурангга имзо чекди.

Дастлаб, рақиб жарима майдони ичида дарвозабонни алдаб ўтган Кристиан Пулишич аниқ зарбаси билан ҳисоб очди. Бунга "қироллик клуби" Карим Бенземанинг 29-дақиқада урган голи эвазига жавоб қайтаришга муваффақ бўлди.

Энди томонлар жавоб учрашувини 6 май куни "Челси" майдонида ўтказади.

• 90+4'
  

  Учрашув якунланди. Биринчи ярим финалда ғолиб номи очиқлигича қолди.

• 90+3'

  Рис Жэймснинг жарима майдонига узатмаси ноаниқ кетди.

• 90+2'
  

  Карим Бензема ўрнига Родриго майдонга тушди.

• 90'
  

  Ўйиннинг асосий вақтига 3 дақиқа қўшиб берилди.

• 90'
  

  Антонио Рюдигерга тиббий ёрдам кўрсатилмоқда.

• 89'
  

  Катта тезликда қарши ҳужумга ўтган рақибини қўполлик билан тўхтатган Одриосола жазоланди.

• 89'

  Каземиронинг зарбасидан кейин тўпни дарвозабон эгаллаб олди.

• 88'

  Тони Кроос узоқ масофадан "пушка" зарбасини йўллади. Тўп йўл-йўлакай ҳимоячига тегди ва энди унинг ўзи тўпни бурчакдан ўйинга киритиб беради.

• 86'

  Азарнинг чиройли узатмасидан кейин жарима майдони ичига кирган Одриосоланинг паси шеригига қадар ўтмади.

• 84'

  Тўпни "аристократлар" назорат қилмоқда. "Қаймоқранглилар" прессингда ишлаяпти.

• 82'
  

  Марко Асенсио воқеалар ривожидан бироз илгарилаб кетди. Ҳакам ўйинни тўхтатди.

• 81'

  Эҳтиёткорлик биринчи планга чиқди. Томонлар олдинга ўтишга шошилмаяпти.

• 79'
  

  Хаким Зиешнинг стандартдан берган зарбасидан кейин тўпни Куртуа ушлаб олди.

• 78'
  

  Жарима майдони яқинида Варан рақибининг оёғини босиб олди. Ҳакам унга сариқ карточка кўрсатди.

• 77'
  

  Марсело ҳамда Карвахаль ўрнига Асенсио ва Одриосола ўйинни давом эттиради.

• 76'

  Тухель шогирдлари анча зич ҳимояланмоқда. Майдоннинг ҳар бир қаричи ҳисобда.

• 75'

  Вараннинг саъй-ҳаракатлари туфайли мадридликлар бурчакдан тўпни ўйинга киритиб беради.

• 74'

  Зиешнинг узатмаси дарвозага кириб кетиши мумкин эди. Аммо Куртуа тўпни ушлаб олди.

• 73'

  Рақиби бирга-бир вазиятга чиқиб боришига Милитао йўл қўймади.

• 71'

  Хаким Зиешнинг ақлли узатмасига Хаверц ета олмади.

• 70'

  Амалга оширилган ўзгаришлар натижасида меҳмонлар ўйини анча жонланди.

• 69'

  Бир рақибини усталик билан чалғитган Маунтнинг зарбасини Варан дарвозагача ўтказмади.

• 67'
  

  Тухель катта ўзгаришларга қўл урди: Пулишич, Вернер ҳамда Аспиликуэта ўрнига Зиеш, Хаверц ва Жэймс майдонга тушди.

• 66'
  

  Винисиус Жуниор ўз ўрнини Эден Азарга бўшатиб берди.

• 65'
  

  Тезкор қарши ҳужумга қочаётган рақибини "чопган" Марсело огоҳлантирилди.

• 65'

  "Реал" прессингни анча кучайтирди. "Кўклар" марказдан ўта олмаяпти.

• 63'

  Жарима майдонига оширилган тўпга Бензема ета олмади.

• 62'
  

  Винисиус Жуниор ўйиндан ташқари ҳолатда қолиб кетди.

• 60'
  

  Кантега нисбатан қоида бузган Кроос огоҳлантирилди.

• 59'

  Жамоадоши узатган тўпга Марсело ета олмади. Мадридликлар яна осонликча тўп йўқотди.

• 57'

  Жарима майдонига етказиб берилган тўпни Куртуа эгаллаб олди.

• 55'

  Кучли прессинг уюштирган мадридликлар Чилуэллни хато қилишга мажбур этди.

• 54'

  Бурчак яқинида қолиб кетган Бензема тўп йўқотди. "Челси" тўпни ён чизиқдан ўйинга киритиб беради.

• 52'

  Томонлар эҳтиёткор футбол намойиш этмоқда.

• 50'

  Бенземанинг зарбасига аниқлик етишмади. Каримнинг қарори хато эди.

• 48'

  Иккинчи 45 дақиқаликни меҳмонлар тўпни назорат қилиш билан бошлади.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз.

• 45'
  

  Биринчи таймга вақт қўшилмади. Танаффус!

• 43'

  Тўп назорати лондонликлар томонга ўтди. Ташаббус тезда алмашмоқда.

• 41'

  Тимо Вернер ноаниқ зарбаси билан жамоасининг тезкор қарши ҳужумини барбод қилди.

• 40'

  Бўлим сўнгини майдон эгалари бироз фаолроқ ўтказмоқда. Зидан шогирдлари босим уюштиряпти.

• 38'
  

  Марселони ортдан чалиб йиқитган Пулишичга сариқ карточка кўрсатилди.

• 37'

  Тьяго Сильва узоқ масофадан берган зарбаси рекошет натижасида ўз йўналишини ўзгартирди.

• 35'

  Ўйин темпи бироз пасайди. Бироқ футболчилар майдонда бир сония бўлсада тиним билмаяпти.

• 33'

  Тони Крооснинг зарбаси у кутганичалик айланмади.

• 32'
  

  Бурчакдан жарима майдонига оширилган тўпни Куртуа ушлаб олди.

• 31'

  Меҳмонлар яна ташаббусни қўлга олишга интиляпти.

• 29'
  

  ГООООООООООООООООООО! Ҳисоб тенглашди!

  Жарима майдони марказига етказиб берилган тўпни Бензема кучли зарбаси билан дарвозага киритди.

• 27'
  

  Кристиан Пулишичга нисбатан қўполлик ишлатган Винисиус огоҳлантирилди.

• 25'

  Чилуэллнинг ўнг оёқда берган зарбасига аниқлик етишмади.

• 24'

  Кучли прессинг тушкил этаётган "кўклар" рақибни хато қилишга мажбур қиляпти.

• 23'

  Карим Бенземанинг узоқ масофадан йўллаган зарбаси устунга тегди.

• 21'
  

  Тимо Вернер ўйиндан ташқари ҳолатда қолиб кетди.

• 19'

  Крооснинг узатмасидан кейин Кантега теккан тўп дарвозабоннинг қўлига келиб тушди.

• 18'

  "Қаймоқранглилар" ҳужумда катта қийинчиликка дуч келмоқда.

• 16'

  Ҳисобда олдинга ўтиб олган лондонликлар яна рақибни тўпсиз қолдирмоқда.

• 14'
  

  ГООООООООООООООООООООООЛ! Учрашувда ҳисоб очилди!

  Дарвозабон билан бирга-бир вазиятга чиқиб борган Пулишич Куртуани алдаб ўтиб, ҳисобни очди.

• 12'

  Тухель шогирдлари рақиб дарвозаси қаршисида кетма-кет ҳужумлар уюштирмоқда.

• 10'
  

  Тимо Вернернинг яқин масофадан берган зарбасини Куртуа қайтарди.

• 9'

  Бенземанинг жарима майдони марказига етказиб берган тўпини Менди ушлаб олди.

• 7'

  "Челси" ўйин назоратини қўлга олиш учун жиддий ҳаракат бошлади.

• 5'

  Меҳмонлар хавфли ҳужум ташкил этди. Бироқ дарвозага тўпни йўллайдиган футболчи топилмади.

• 3'

  Дастлабки дақиқалардан жамоалар кучли босим уюштирмоқда.

• 1'
  

  Ўйин бошланди!

• 0'

  Сардорлар иштирокидаги расмий жараёнлар ортда қолди. Старт учун барчаси тайёр!

• 0'

  Футболчилар майдонга тушиб келди. ЕЧЛнинг мафтункор мадҳияси янгради!