ЕЧЛ. 7 та гол киритилган баҳсдан кейин "Ювентус" ЕЧЛни эрта тарк этиши аниқ бўлди

Европа Чемпионлар лигаси 5-тури доирасидаги "Бенфика" - "Ювентус" ўртасидаги учрашув якунига етди. Қизиқарли ва кескин курашлар остида ўтган баҳсда португалияликлар 4:3 ҳисобида ғалаба қозонди. 

"Бенфика" сафида Рафа Силва дубль қайд этган бўлса, Жоау Мариу ва Андреа Силва биттадан тўп киритди. "Ювентус"нинг голлари эса Мойзе Кин, Аркадиуш Милик ва Уэстон Маккенни номига ёзилди. 

Ғалабадан кейин португалияликлар 11 очко билан плей-офф масаласини ҳал қилган бўлса, Турин клуби 3 очко билан гуруҳ масаласини ҳал қила олмади ва мусобақани тарк этди.