EChL. Bugungi o‘yinlarning eng yaxshi futbolchilari ma’lum

Biroz avval EChL chorak finalidan o‘rin olgan ikkita bellashuv o‘z nihoyasiga etdi. "Atletiko" o‘z maydonda "Borussiya"ni taslim qilgan bo‘lsa, "Barselona" PSJ ustidan g‘alaba qozondi. 

Mazkur o‘yinlardagi eng yaxshi futbolchilar ma’lum. "Matraschilar" va "Asalarilar" o‘rtasida bo‘lib o‘tgan bahsda Antuan Grizmann bu sovrinni qo‘lga kiritdi. Frantsiyalik futbolchi 90 daqiqa harakatlanib, bitta assist amalga oshirdi. 

PSJ - "Barselona" uchrashuvida Rafinya "Man of the match"ga aylandi. Vinger ikki marta parijliklar darvozasini ishg‘ol qilib, EChLdagi ilk golini urdi. Shu bilan birga, 2019 yildan keyin "Barselona" tarkibida pley-off bosqichida dubl qilgan yagona futbolchiga aylandi. 

Ma’lumot uchun, Chempionlar ligasi chorak finalidagi dastlabki o‘yinlar o‘z nihoyasiga etdi. Javob bellashuvlari 17 va 18 aprel kunlari bo‘lib o‘tadi.