ЕЧЛ. "Манчестер Сити" ўз майдонида ПСЖдан устун келди

ЕЧЛ 5-туридан ўрин олган "Манчестер Сити" - ПСЖ учрашуви якунига етди. Мазкур баҳсда мезбонлар 2:1 ҳисобида ғалаба қозонишга муваффақ бўлди. 

50-дақиқада Париж клуби ҳужумчиси Килиан Мбаппе ҳисобни очди. 64-дақиқада Стерлинг мувозанатни тиклади. 77-дақиқада гол урган Жезус жамоасини олдинга олиб чиқди. 

Шундай қилиб, "шаҳарликлар" ҳисобидаги очколар сонини 12 тага етказиб олган ҳолда, ўз гуруҳида биринчи ўрин масаласини ҳал қилди. 8 очкога эга парижликлар муддатидан олдин 2-ўринни банд қилиб улгурди. 

• 90+3'
  

  Учрашув якунига етди. Мазкур ўйинда "Манчестер Сити" - ПСЖни 2:1 ҳисобида мағлуб этиб, ўз гуруҳида пешқадамликни нақд қилди. 

• 90'
  

  Ўйиннинг асосий вақтига 3 дақиқа қўшиб берилди. 

• 86'

  Парижликлар навбатдаги ҳужумга ўтишга ҳозирлик кўрмоқда. 

• 82'

  ПСЖ футболчилари рақиб жарима майдони атрофида босим уюштирмоқда. 

• 79'

  Канселу Мессига нисбатан қўпол ўйнади.

• 77'

  ГООООООООЛ! "Манчестер Сити" ҳисобда олдинга чиқиб олди. Бернардонинг пасидан сўнг Жезус яқин масофадан зарба йўллаб, "шаҳарликлар"ни олдинга олиб чиқди. 

• 76'

  Месси Ди Марияни тўп билан таъминлади, бироқ унинг олисдан йўллаган зарбаси ўта ноаниқ кетди. 

• 73'

  Неймар дарвозабон билар яккама-якка вазиятга чиқиб бориб. бироз ноаниқ зарба йўллади. 

• 71'

  Жезуснинг ўткир бурчак остидан туриб йўллаган кучли ва аниқ зарбасини Навас қайтариб юборди. 

• 68'

  Родрининг олисдан йўллаган зарбасига аниқлик етишмади. 

• 65'

  "Шаҳарликлар" голдан кейин ҳам ҳужумлар қилишда давом этмоқда. 

• 63'
  

  ГООООООЛ! Қанотдан ерлатиб узатилган тўпни Стерлинг рақиб дарвозасига киритиб юборди. 

• 61'

  "Манчестер Сити" фойдасига бурчак зарбаси. Тўп ёнида Маҳрез. 

• 58'

  Мессининг узатмасидан сўнг Эдерсон осонлик билан тўпни эгаллаб олди. 

• 56'

  "Манчестер Сити" футболчиси Родри сариқ карточка билан огоҳлантирилди. 

• 53'
  

  "Шаҳарликлар" таркибида ўзгариш. Зинченко ўрнига майдонга Жезус тушди. 

• 50'

  ГООООООООЛ! Килиан Мбаппе аниқ ва кучли зарбаси билан парижликларни ҳисобда олдинга олиб чиқди. 

• 48'

  "Манчестер Сити" бурчак тўпи тепиш имкониятини қўлга киритди. 

• 46'
  

  Учрашувнинг иккинчи бўлимига старт берилди. 

• 45'
  

  Биринчи бўлим якунига етди. Ҳозирча ўйинда ҳисоб очилганича йўқ. 

• 44'

  Неймарнинг узатмасидан сўнг Мбаппе бирга-бир вазиятга чиқиб борди. Унинг зарбаси дарвоза устуни тепасидан ўтиб кетди. 

• 40'

  "Манчестер Сити" футболчиси ҳужумда ўйин қоидасини бузди. 

• 34'

  Маҳрезнинг жарима майдони ташқарисидан йўллаган зарбаси йўлиги Навас тўғаноқ бўлди. 

• 33'

  Гюндоганнинг зарбасидан сўнг тўп дарвоза устунига тегиб қолди. 

• 31'

  "Манчестер Сити" қанотлардан кетма-кет ҳужумлар уюштирмоқда. 

• 29'

  Маҳрезнинг қанотдан узатган тўпини дарвозабон эгаллаб олди. 

• 27'

  ПСЖ "шаҳарликлар" жарима майдони атрофиада майда паслар билан тўпни эгаллаб турибди. 

• 24'
  

  ПСЖ бурчак зарбаси тепиш имкониятини қўлга киритди. 

• 21'

  Зинченконинг ҳаволатиб берган узатмасидан сўнг ҳимоячилар тўпни қайтариб юборди. 

• 19'

  Маҳрезнинг жарима майдони ичидан йўллаган кучли зарбаси Ашраф Ҳакимининг бошига тегиб майдонни тарк этди. 

• 17'
  

  Мендешнинг узатмасидан сўнг Неймар яхши вазиятга чиқиб борди, бироқ бразилиялик вингер офсайд ҳолатида қолиб кетганди. 

• 14'

  Ўйин темпи ҳозирча у қадар юқори эмас. Жамоалар ҳозирча эҳтиёткорликка кўпроқ урғу бермоқда. 

• 11'

  Месси, Неймар ва Мбаппе триоси қарши ҳужумга ўтиб кетди, бироқ бесамар. 

• 9'

  Неймарнинг олисдан йўллаган зарбаси ҳимоячиларга тегиб қолди. 

• 8'

  Зинченко тўп билан Париж клуби жарима майдонига яқинлашиб борди, бироқ ҳимоячилар ундан тўпни олиб қўйди. 

• 6'

  "Манчестер Сити"да жуда яхши имконият вужудга келди, бироқ дарвозабон ўз ўрнида. 

• 4'

  "Манчестер Сити" тўп назоратини ўз қўлига олди. 

• 3'

  Гюндоганнинг узатмасига аниқлик етишмади. 

• 0'
  

  Ўйинга старт берилди. 

• 0'

  Ассалому алейкум қадрли футбол мухлислари. "Манчестер Сити" - ПСЖ учрашувидан матнли трансляцияни сайтимиз орқали кузатиб боринг!