EChL. "Napoli" safarda "Ayaks" darvozasiga 6 ta gol urdi

Evropa Chempionlar ligasi "A" guruhi 3-turi doirasidagi "Ayaks" - "Napoli" bahsi yakuniga etdi. Qiziqarli va gollarga boy o‘tgan bahsda Italiya klubi o‘ta yirik hisobda g‘alaba qozondi - 6:1.

Nepolliklarning gollariga Raspadori (dubl), Di Lorentso, Xvicha Kvaratsxeliya, Zelinski va Jovanni Simeone mualliflik qildi. Maydon egalarining yagona goli esa Muhammad Quddus nomiga yozildi. Shu tariqa, "Napoli" guruh bosqichidagi har uchala bahsda ham g‘alaba qozondi.