ЕЧЛ: Плей-офф йўлланмасини қўлга киритган яна икки клуб номи маълум бўлди

Бугун оқшомда Чемпионлар лигаси 5 тур ўйинларига старт берилди. C гуруҳида "Порту" ўз майдонида "Манчестер Сити" ни қабул қилиб голсиз дурангга имзо чекди. Иккинчи ўйинда эса "Марсель" "Олимпиакос"ни меҳмонда мағлуб этди ва португалияликларни кейинги босқич йўлланмасини қўлга киритишига кўмаклашиб юборди.

D гуруҳида "Ливерпуль" ўз уйида "Аякс" ни мағлубиятга учратиб, гуруҳдан чиқиш масаласини муддатидан олдин ҳал қилди.

Бунгача "Барселона", " Бавария", "Манчестер Сити", " Челси", "Севилья" ва " Ювентус" клублари плей-офф йўлланмасини қўлга киритишган эди.