ЕЧЛ.

"Реал" ва "Аталанта" жамоалари ўртасидаги Чемпионлар Лигаси нимчорак финал учрашуви ўз якунига етди. Унда майдон эгалари 3:1 ҳисобида ғалаба қозонди.

Дастлаб, Карим Бензема 34-дақиқада ҳисобни очган бўлса, ўйиннинг бир соати ортда қолган бир пайтда, Серхио Рамос жамоасининг иккинчи голини киритди. Меҳмонлар ҳужумчиси Луис Муриель 83-дақиқада ҳисобни қисқартирди, бироқ захирадан ўйинга қўшилган Асенсио 2 дақиқа ўтар-ўтмас, таблодаги 2 гол фарқини тиклади.

Шу тариқа, "Қироллик клуби" икки ўйин натижасига кўра, 4:1 ҳисобида ғалаба қозонди ва кейинги босқичга йўл олди. Маълумот учун, мадридликлар ҳозирча ушбу босқичга чиққан биринчи испан клуби бўлиб турибди. Аввалроқ, "Барселона" ҳамда "Севилья" нимчорак финалда ўз юришини тўхтатганди. 

Реал Мадрид

  • Карим Бензема 34'
  • Серхио Рамос 60'
  • Марко Асенсио 85'

UEFA ЧЛ Финал бочқичи 1/8 финал

17/03/2021, 00:00

3
:
1
Тугади

Аталанта

  • Луис Муриэль 83'

Стадион: Alfredo Di Stefano 0 томошабин

Бош ҳакам: Danny Makkelie

45'
90'

  • 90+5'

    Учрашув якунланди. Матнли трансляция Жавоҳир Азимов томонидан олиб борилди!

  • 90+4'

    Мадридликлар сўнгги дақиқаларни тўп назорати билан ўтказмоқда. 

  • 90+2'

    Родригонинг яқин масофадан йўллаган зарбасини дарвозабон қайтарди.

  • 90'

    Ўйиннинг асосий вақтига 5 дақиқа қўшиб берилди.

  • 89'

    Модрич огоҳлантирилиши мумкин эди. Бироқ ҳакам оғзаки огоҳлантириш билан чекланди.

  • 87'

    Италияликлар уюштираётган кетма-кет ҳужумлар бесамар якунланмоқда.

  • 85'

    ГООООООООООООООООООООООООООЛЛЛЛЛЛЛЛЛЛЛЛЛЛЛЛ! "Реал" 2 та гол фарқини тиклади!

    Ҳозиргина майдонга тушган Асенсио яқин бурчакка йўллаган зарбаси билан дарвозабонни ожиз қолдирди.

  • 84'

    Федерико Вальверде ўрнига Марко Асенсио ўйинга қўшилди.

  • 83'

    ГООООООООООООООООООООООООООООЛЛЛЛЛЛЛЛЛЛЛЛЛ! Меҳмонлар ҳисобни қисқартирди!

    Жаримадан зарба берган Луис Муриель дарвозанинг юқори бурчагига тўп киритди.

  • 81'

    Жарима майдонига яқин ҳудудда меҳмонлар яхши стандартга эга бўлди.

  • 79'

    Бергамоликлар фаоллик намойиш этишда давом этяпти. Бироқ вазиятлардан унумли фойдаланишнинг иложи бўлмаяпти.

  • 77'

    Рақибига нисбатан қоида бузган Кроос огоҳлантирилди.

  • 76'

    Дуван Сапатанинг жарима майдони ичидан йўллаган зарбасини Куртуа қайтарди.

  • 74'

    Гапсерини шогирдларининг ҳужумлари тобора хавфлироқ тус олиб бормоқда.

  • 71'

    Зидан шогирдлари тўпни рақибга топшириб, қарши ҳужумда ўз оманини синаб кўряпти.

  • 68'

    Винисиус Жуниор ўз ўрнини Родригога бўшатиб берди.

  • 66'

    Бергамоликлар бурчак зарбасидан наф чиқара олмади.

  • 64'

    Рамос ўрнига Эдер Милитао ўйинни давом эттиради.

  • 62'

    Рафаэль Толои ўз ўрнини Хосе Луис Паломинога бўшатиб берди.

  • 60'

    ГООООООООООООООООООООООООЛЛЛЛЛЛЛЛЛЛЛЛЛЛ! Учрашувда ҳисоб ўзгарди!

    Пенальтини Серхио Рамос аниқ ижро этди. Ўзидан чап томонга зарба берган футболчи ҳисобни ишончи кўринишга келтирди.

  • 58'

    Рафаэль Толоига сариқ карточка кўрсатилди.

  • 58'

    Жарима майдонига ёриб кирган Жуниор қоида бузиш эвазига тўхтатилди. Ҳакам 11 метрлик нуқтага ишора қилди.

  • 57'

    "Аталанта"да мажбурий ўзгариш: жароҳат олган Гозенс ўрнига Йосип Иличич майдонга тушди.

  • 55'

    Робин Гозенсга тиббий ёрдам керак

  • 54'

    Мендининг жарима майдони ташқарисидан йўллаган зарбасини дарвозабон ушлаб олди.

  • 52'

    Бир неча рақибини алдаб, жарима майдонига ёриб кирган Винисиус яқин масофадан ноаниқ зарба йўллади. Ўта қулай имконият қзлдан кетди.

  • 51'

    Муриелнинг жарима майдонига узатган тўпини ҳимоячилар қайтаришга эришди.

  • 48'

    Майдон эгалари иккинчи 45 дақиқаликда ҳам тўпни назорат қилмоқда.

  • 46'

    Иккинчи бўлим бошланди!

  • 46'

    Футболчилар майдонга қайтди. Биз ҳам қайтамиз!

  • 45'

    Биринчи таймга вақт қўшилмади. Танаффус!

  • 43'

    Руслан Малиновскининг жарима майдони ташқарисидан берган зарбаси бироз ноаниқ кетди.

  • 41'

    Ўйин темпи бироз пасайди. Курашлар асосан майдон марказида кечмоқда.

  • 39'

    Жимситига қарши қўполлик ишлатган Вальвердега сариқ карточка кўрсатилди.

  • 38'

    Начо рақиб жарима майдони ичида ётибди. Унга шифокорлар ёрдам керакка ўхшайди.

  • 36'

    Гол ўтказиб юборган бергамоликлар фаолликни оширишга ҳаракат қилмоқда.

  • 34'

    ГОООООООООООООООООООООООООЛЛЛЛЛЛЛЛЛЛЛЛЛЛЛЛ! Учрашувда ҳисоб очилди!

    Модричнинг ўта қулай узатмасидан кейин дарвозабон қаршисида ёлғиз қолган Бензема дарвозабонни жазолади. Спортьеллонинг хатоси қимматга тушди.

  • 32'

    Майдон эгалари орқа чизиқда тўпни назорат қиляпти. Яқин масофадан берилаётган паслар аниқ бормоқда.

  • 30'

    Жарима майдонига катта тезликда кирган Винисиус муозанатни сақлай олмади ва йиқилиб тушди.

  • 28'

    Лука Модричнинг узоқ масофадан йўллаган зарбасига аниқлик етишмади.

  • 27'

    Бензема билан комбинация уюштирган Жуниорнинг зарбасидан кейин ҳимоячи тўпни ҳимоячи қайтарди. Жимситидан сейв!

  • 25'

    Майдон марказида Лукас Васкесга нисбатан қоида бузилди.

  • 23'

    "Реал" майда паслар билан навбатдаги ҳужумини уюштирди. Аммо рақиб тўпни олиб қўйди.

  • 21'

    Луис Муриелнинг зарбасидан кейин ҳимоячилар тўпни қайтарди.

  • 19'

    Чуқур прессинг уюштирган "Аталанта" футболчиси Куртуани хато қилишга мажбур қилди.

  • 18'

    Зидан шогирдлари позицион ҳужум ташкил этишда давом этяпти.

  • 16'

    Бурчакдан етказиб берилган тўпни Жимсити дарвозага йўллади. Тўп тўсин юқорисидан ўтиб кетди.

  • 14'

    Ферлан Менди билан курашга кирган Толоига нисбатан қоида бузилди. Меҳмонларда яхши стандарт вазият юзага келди.

  • 13'

    Жарима майдони ичида Рамос рақибини тўхтатишга эришди. Серхио тўпни майдон ташқарисига чиқариб юборди.

  • 11'

    Вальвердени усталик билан алдаб ўтган Пашалични Варан зарарсизлантирди.

  • 9'

    Каземиронинг узатмасидан кейин тўпга Жуниор ета олмади.

  • 8'

    Жарима майдонига яқин ҳудудда Винисиус йиқилиб тушди. Ҳакам ҳозирча, жим.

  • 7'

    Тибо Куртуа жамоадошлари узатган баъзи тўпларни босим натижасида шунчаки тепиб юборишга мажбур бўляпти.

  • 5'

    Бергамоликлар эрта прессинг уюштиряпти. Бу "қаймоқранглилар"га муаммо туғдирмоқда.

  • 3'

    Илк зарбани меҳмонлар амалга оширди. Яқин масофадан берилган зарбани Куртуа ушлаб олди.

  • 2'

    Мадридликлар дастлабки дақиқаларни тўп назорати билан ўтказмоқда.

  • 1'

    Ўйин бошланди!

  • 0'

    Футболчилар майдонга тушиб келди. ЕЧЛ мадҳияси янгради. Старт учун барчаси тайёр!

Матнда хатолик топсангиз, ўша хатони белгилаб, бизга жўнатинг (Ctrl + Enter)