ЕЧЛ. "Сантьяго Бернабеу"да фақат бир клуб камбек қилишга муваффақ бўлган

Эртага тунда "Челси" чемпионлар лигаси чорак финал доирасида "Реал" Мадридга қарши ўйин ўтказади. Учрашув Мадриддаги "Сантьяго Бернабеу" ўйингоҳида бўлиб ўтади.

Эслатиб ўтамиз, Лондонда кечган дастлабки баҳсда "қаймоқранглилар" 3:1 ҳисобида ғалаба қозонганди. 

"Marca" нашрининг хабар беришича, "аристократлар" бунгача ҳали "Реал"нинг муҳташам стадионида ўйин ўтказмаган. Ўтган мавсум чемпионлар лигаси ярим финалида жамоалар "қироллик клуби"нинг "Алфредо Ди Стефано" майдонида куч синашган. 

"Сантьяго Бернабеу"да фақат "Аякс" жамоаси камбек қилишга муваффақ бўлган. 2018/19 йилги мавсум ўз майдонида 2:1 ҳисобида ютқазган амстердамликлар Мадридда 4:1 ҳисобида зафар қучган эди.