EChLda haftaning eng yaxshi futbolchisi bo‘lish uchun nomzodlar ma’lum (foto)

UEFA Chempionlar ligasi chorak final dastlabki uchrashuvlari nihoyasiga etdi.

Unda tomoshabinlar bir-biridan shiddatli uchrashuvlar guvohi bo‘ldi. Mazkur o‘yinlar yakuniga etganidan so‘ng UEFA rasmiy sayti haftaning eng yaxshi futbolchisi bo‘lish uchun nomzodlar ro‘yxatini e’lon qildi.

Unga ko‘ra, "Manchester Siti"ning "Atletiko"ga qarshi bahsda yagona gol muallifi bo‘lgan Kevin De Bryuyne, "Chelsi" darvozasiga 3 ta gol urgan "Real" forvardi Karim Benzema ushbu ro‘yxatdan o‘rin olgan. 

Shuningdek, bittadan gol va assist egasiga aylangan "Liverpul" vingeri Luis Dias hamda "Bavariya" bilan kechgan qarama-qarshilikda 12 km masofani bosib o‘tgan Jovani Lo Chelso ham eng yaxshi degan nom uchun kurashmoqda.