ЕЧЛдаги муваффақиятсизликга қарамай, "Интер" бош мураббий билан шартномани узайтирмоқчи

"Интер" клуби раҳбарияти жамоа бош мураббийи Симоне Индзаги билан амалдаги шартномани узайтиради, деб хабар бермоқда Gazzetta dello Sport.

Манбага кўра, италян клуби ва мураббий ўртасидаги янги келишув яна бир йилга узайтириш имконияти билан 2024 йилнинг ёзига қадар амал қилади. Мутахассиснинг маоши йилига 5 миллион еврогача кўтарилади.

Эслатиб ўтамиз, 45 ёшли Индзаги "Интер"ни ўтган йилнинг ёзидан буён бошқариб келмоқда. Унинг қўл остида клуб Италия чемпионатида иккинчи ўринни эгаллаб турибди, Чемпионлар лигасида эса 1/8 финалга қадар етиб келди.