ЕКЛ. Бугун Шомуродов ва "Рома" финал чиптаси учун "жанг қилади!"

Бугун Европа Конференциялар лигаси ярим финал босқичидан ўрин олган икки учрашув ўтказилади.

Улардан бирида "Рома" ўз майдонида "Лестер"ни қабул қилади. "Олимпико" ўйингоҳида бўлиб ўтадиган қарама-қаршилик Тошкент вақти билан соат 00:00 да старт олади. Томонларнинг Англиядаги баҳсида 1:1 ҳисоби қайд этилган.

Иккинчи финалчи номи Францияда аниқланади. Унда "Марсель" ҳамда "Фейеноорд" ўзаро куч синашади. Дастлабки учрашувда нидерландияликлар 3:2 ҳисобида зафар қучганди.