Эксперт: Ўзбекистонга биринчи ўйиндан кейин баҳо берамиз!

Таниқли футбол мутахассиси Гаджи Гаджиев жаҳон чемпионатида дебют қилишга тайёрланаётган Ўзбекистон терма жамоаси ҳақида фикр билдирди.

Унинг таъкидлашича, ҳозирча Ўзбекистон термасининг ҳақиқий салоҳиятини тўлиқ баҳолаш қийин, чунки жамоа ўйинларини етарлича кузатмаган.

Гаджиев фикрича, терманинг жаҳон чемпионатидаги имкониятлари ҳақида жиддий хулоса қилиш учун камида бир ўйинни кўриш керак. Шундан сўнггина жамоанинг даражаси ва истиқболлари ҳақида аниқроқ гапириш мумкин бўлади.

Эслатиб ўтамиз, жаҳон чемпионати гуруҳ босқичининг илк турида Ўзбекистон терма жамоаси Колумбияга қарши майдонга тушади. Учрашув 18 июнь куни Тошкент вақти билан соат 07:00 да бошланади.