Эктор Купер: Келажакни кўра олмаяпман

Ўзбекистон миллий терма жамоаси шу йилнинг март ойида "China Cup" мусобақасида қатнашади. Бугун мазкур мусобақа олдидан Ўзбекистон миллий терма жамоаси бош мураббийи Эктор Купер иштирокида матбуот анжумани ташкил этилади.

- Тайёргарлик кўриш учун кам бўлди. Лекин қўлдан келганча машғулотлар ўтказдик.

Ҳар қандай турнирдан мақсад ғалаба қозониш. Таркиб ўша ўша. Осиё Кубогидаги таркибдан фарқ қилмайди. Лекин қолганларни ҳам кузатиб боришда давом этамиз.

Осиё Кубогидан салбий ва ижобий хулосалар бўлди. Лекин ўтган вақт мобайнида катта ўзгаришларни қилишга вақт йўқ. Аммо кичик ўзгаришлар амалга оширилди. Ушбу қисқа вақт ичида мўжиза кутиш ноўрин. Ўзгаришлардаги кичик деталлар ғалаба қозонишга ёки мағлуб бўлишимизга олиб келади. Биз шуни кўриб олишимиз даркор. Туркиядаги йиғиндан сўнг жамоа ўйинида ўсиш кузатилди. Буни натижада кўрмасакда ўйинда сезилди. Буларнинг барчаси тайёргарлик кўриш учун вақт етарли экани сабаб бўлди.

Менга шартнома таклиф қилинганда биз жаҳон чемпионатига чиқишимиз керак. Осиё Кубогида чемпион бўлишимиз керак. Тўғри, қитъа чемпионатида нимчорак финалда тўхтадик. Лекин бизнинг асосий вазифамиз мундиалга бориш. Келажак борасида гапириш ҳозир пайти эмас. Келажакни кўра олмаяпман. Чунки эртага натижамиз ўхшамаса мени бўшатиб юборишлари мумкин. Биз олдиндаги мусобақаларга эътибор қаратишимиз зарур. Тўғри, Осиё Кубогида натижамиз ўхшамади. Бу менинг айбим. Лекин қайтараман мақсадимиз жаҳон чемпионатига чиқиш.

Олимпия терма жамоасини доим кузатамиз. Мураббий билан алоқадамиз. Керак пайтда яна бошқаларни ҳам термага жалб қиламиз.

Чепионатда бошқа жамоаларни кўрдик. Биз уларни юта оламиз. Расмий ўйин билан ўртоқлик ўйинларини фарқи бор. Битта нарсани айта оламаки, биз келажакда Япония каби кучли жамоаларни юта оламиз. Бу дегани аниқ ютамиз демоқчи эмасман. Бунинг учун барча курашиши лозим.

Уругвай таркибида юлдузлар бор. Шундай ўйинлар орқали расмий ўйинларга тайёргарлик кўрилади.

Футболда инсон фактори деган нарса бор. Футболчиларнинг ухлаши, овқатланиши, шуғулланиши ва ҳоказо.

Футболчиларимиз хорижнинг кучли чемпионатларида нега ўйнамайди? Балки улар четга чиққиси келмас. Уларга Россия ёки шу каби давлатлар ёқар. Аммо футболчиларнинг даражаси Европа талабига жавоб беради.

Биз хориждаги легионерларимизни кузатиб борамиз. Уларнинг барча ўйинларини видеоси бор. Уларнинг сони кўп бўлгани билан ҳар доим ҳам майдонга тушавермайди ёки кам вақт ўйнайди. Технологиялар ривожлангани учун уларни кузатиш муаммо эмас. Ўйинчиларнинг жисмоний тайёргарлиги жойида. Шундай ўйинчилар бор улар майдонга тушмаса ҳам фойдали иш коеффитциенти бор. Шунинг учун мен эълон қилган таркибга жалб қилинган.

Сардор Рашидов нега келмади. У виза билан боғлиқ муаммо борлиги учун кела олмади. Аммо унинг ўрнига тенгма тенг ўйнайдиган футболчиларни чақирдик. Тан оламан ҳар кимнинг таби ҳар хил. Сизга ёққан ўйинчи менга ёқмаслиги мумкин.

Олимпиячиларнинг чақирилмаганинг сабаби улар муҳим мусобақада иштирок этишади. Таркибни ёшартириш борасида мен Умид Аҳмаджонов билан гаплашганим йўқ, - деди мураббий.

Эслатиб ўтамиз, "China Cup" мусобақаси 21-25 март кунлари Хитойнинг Гуанси шаҳрида бўлиб ўтади. Ушбу халқаро турнирда Уругвай, Хитой, Таиланд терма жамоалари иштирок этади. Турнир ярим финал ва финалдан иборат бўлади.

"China Cup" халқаро мусобақаси

21 март

Хитой - Таиланд

22 март

Ўзбекистон - Уругвай

25 март

3-ўрин учун баҳс

25 март

Финал