Эквадор футболчиси Қатар дарвозасини ишғол қилган ҳолда иккита тарихий натижани қайд этди

Қатарда футбол бўйича жаҳон чемпионати бошланди, биринчи ўйинда Қатар терма жамоаси ўз майдонида Эквадорни қабул қилмоқда. Афсуски, турнир мезбонлари биринчи бўлимда учта гол ўтказиб юборишди, аммо улардан биттаси ҳисобга олинмади.

Расман чемпионатдаги биринчи гол ўйиннинг олтинчи дақиқада киритилди. Жанубий Америка терма жамоаси аъзоси Эннер Валенсия пенальтини голга айлантириб, 2022 йилги ЖЧдаги тарихий гол муаллифига айланди.

Маълум бўлишича, Эквадор терма жамоаси жаҳон чемпионати тарихида илк марта 11 метрлик жаримадан  гол киритди. Эслатиб ўтамиз, улар учун Қатар-2022 ўз тарихидаги 11-мундиал ҳисобланади.

Шунингдек, Валенсиянинг голи жаҳон чемпионатлари тарихидаги очилиш ўйинларидаги илк пенальти сифатида тарихда қолди.