Элдор Шомуродовни ўйнатмай қўйган "Рома" осиёлик бошқа ҳужумчига жиддий қизиқмоқда
"Зенит" ҳужумчиси Сердар Азмун фаолиятини Италия А Сериясида давом эттириши мумкин.
"Match TV" каналининг маълум қилишича, эронлик футболчига "Рома" ва "Фиорентина"дан жиддий қизиқиш бор. Ушбу клублар вакиллари Чемпионлар лигаси доирасидаги "Ювентус" - "Зенит" учрашувига ташриф буюрган.
26 ёшли ҳужумчи ўйиннинг 92-дақиқасида "кекса сеньора" дарвозасини ишғол этди. Сердарнинг петербургликлар билан амалдаги шартномаси йил сўнгига қадар мўлжалланган. Азмун жорий мавсум "Зенит" сафида 16 учрашувда майдонга тушиб, 9 гол ва 4 ассист муаллифига айланган.
"Рома"да бошқа бир осиёлик ҳужумчи, легионеримиз Элдор Шомуродов тўп тепмоқда.
Фикрлар