Эмери "Арсенал" билан уч йиллик шартнома имзолашга яқин турибди

Испаниялик мутахассис Унаи Эмери Лондоннинг “Арсенал” клуби бош мураббийига айланишга жуда яқин турибди.

Daily Mail нашри тарқатган хабарга кўра 46 ёшли мутахассис “канонирлар” билан 3 йиллик шартнома имзолайди ва унинг Лондон клубидаги йиллик маоши 5 млн фунтни ташкил этади.

Эслатиб ўтиш лозимки, ушбу лавозимга бундан аввалроқ “Манчестер Сити”да Хосеп Гвардиолага ассистентлик қилиб келаётган Микель Артетанинг номзоди илгари сурилаётган эди. Аммо Артетанинг трансферлар бўйича клуб раҳбариятига қўйган шарти мақул келмагач, “Арсенал” айнан Эмери номзодига тўхталишган.

Маълумот учун, Эмери сўнгги икки мавсумни ПСЖ клубида ўтказди ва 7та совринни қўлга киритди.