Emeri: Neymar "Real"ga o‘tishi? Yaxshisi buni Florentinodan so‘rang

PSJ klubi bosh murabbiyi Unai Emeri jamoa hujumchisi Neymarning “Real”ga o‘tishi borasidagi xabarlarga o‘z fikrini bildirib o‘tdi.

”Neymarning “Real”ga o‘tishi? Bu haqda hech narsa bilmayman. Bu haqda Florentino Peresdan so‘ranglar, bu borada menga barchasi qorong‘u. Men shundan xabardormanki PSJ o‘z oldiga ulkan loyihani maqsad qilib qo‘ygan va Neymar bu loyihaning asosiy qismidir”, - deydi ispaniyalik mutaxassis.

Eslatib o‘tamiz, mavsum yakunlangach Emerining o‘zi ham jamoadan ketishi kutilmoqda.