Энди АПЛ жамоалари ҳам қишда дам олишлари мумкин

2019 йилдан сўнг Англия премьер-лигасида қишки таътил пайдо бўлиши мумкин.

Бундай қарорга келинишига АПЛ жамоалари мураббийларининг қиш мавсумидаги ўта тиғиз ўйинлар графиги туфайли кўплаб футболчиларнинг жароҳат олишлари ортидан билдиришган этирозлари асосий сабаб сифатида айтилмоқда. Шу боис лига мутасаддилари айни дамда бу масала юзасидан бош қотиришмоқда.

Катта эҳтимол билан қишки танаффус ҳақида янги телевизион шартнома имзоланганидан сўнг эълон қилиниши кутилмоқда. Ушбу шартнома эса янги ҳафтада имзоланади.

Таъкидлаш лозимки, Sky ҳамда BT телеканаллари билан 2019 йилга қадар имзоланган амалдаги шартномада қишки танаффус ҳақида белгилаб ўтилмаган. Шу боис, ҳозирча ушбу танаффусни амалга ошириш имкони йўқ.