Энди бу машҳур футболчини майдонда кўрмайсиз!

Футбол бўйича жаҳон ва Европа чемпиони Хесус Навас “Севилья” мухлислари кўз ўнгидаги сўнгги учрашувини ўтказди.

Испания чемпионатининг 17-туридан ўрин олган “Сельта”га қарши учрашув испаниялик универсал ярим ҳимоячи учун мухлислар билан хайрлашув ўйини вазифасини ўтади.

“Севилья”нинг 1:0 ҳисобидаги ғалабаси билан якунланган беллашувда 39 ёшли Навас 71 дақиқада тўп тепди ва мухлислар олқишлари остида майдонни ва футболни тарк этди.

Аввалроқ, Навас 2024 йилнинг охирига бориб профессионал фаолиятини якунланишини маълум қилганди. Энди у клуб тизимида маъмурий лавозимларни бирини эгаллайди.

Хесус Навас “Севилья” тарбияланувчиси ҳисобланади. Бу клуб сафида икки маротаба Испания кубоги, Испания Суперкубоги, тшрт бор Европа лигаси ва УЕФА Суперкубогида ғолиб чиққан. “Севилья”даги фаолияти давомида 702 та учрашувда қатнашиб, ўз ҳисобига 39 та гол ва 119 та ассист расмийлаштирган.

Шунингдек, “Манчестер Сити”да ўйнаган кезлари 183 маротаба майдонга тушиб, саккизта гол ва 35 та ассист муаллифи бўлди, Англия чемпионати ва икки бор Англия лигаси кубогида ғолиб чиқди.