Энди пара атлетлар ҳам киберспорт билан шуғулланади

Дунёда IT технологиялар ривожланаётгани сари электрон компьютер спорти билан шуғулланувчилар сони ҳам тобора ортмоқда.

Шу муносабат билан Ўзбекистон Миллий паралимпия қўмитаси ва Ўзбекистон Электрон компьютер спорти федерацияси ўртасида ушбу спорт турини паралимпиячилар ўртасида ҳам кенг ривожлантириш борасида ўзаро ҳамкорлик меморандуми имзоланди.

Тадбирда Ўзбекистон Миллий паралимпия қўмитаси Бош котиби Фаррух Ахмедов, Ўзбекистон Электрон компьютер спорти федерацияси раиси Азиз Паттахов, мутахассислар ва спортчилар иштирок этди.