"Энди у сояда эмас"

Рио Фердинанд Карим Бенземани дунёнинг энг яхши марказий ҳужумчиси дея эътироф этди. 

УЕФА чемпионлар лигаси чорак финалидан ўрин олган илк баҳсда "Реал" "Челси"ни 3:1 ҳисобида мағлуб этди. Франциялик голеадор мазкур учрашувда хет-трик муаллифига айланди. 

"Карим - боғловчи. У ўз жамоасини чўққига олиб чиқди. Криштиану Роналду "Реал"да бўлганида, Бензема камтарлик билан иккинчи планда қолган. Бироқ энди у соядан чиқиб кетди. 

Карим 34 ёшда ва дунёнинг энг яхши "тўққизлик" футболчиси. У бошқа даражада. Бензема гол уради, узатма беради ва боғловчи ролида ҳаракатланади", - деди "Манчестер Юнайтед" собиқ ҳимоячиси.