Эндрикнинг келажакдаги голлари ва совринлари "Реал" ғазнасининг зарарига ишлайди

"Реал Мадрид" Эндрикнинг 2030 йилгача ҳар бир голи учун "Палмейрас"га пул тўлайди

Хабарларга кўра, Эндрик томонидан 2030 йилгача урилган ҳар бир гол, голли пас ёки пенальти учун "Реал" "Палмейрас"га 35 минг доллар тўлаши керак. Ушбу тўловлар ўйинчининг 12,5 миллион долларгача бўлиши мумкин бўлган бонус пакетининг бир қисмидир.

Шартнома шунингдек, бошқа ютуқлар учун тўловларни ҳам ўз ичига олади. Масалан, Эндрик камида 45 дақиқа ўйнаган ҳар бир ўйин учун 75 000 доллар, бундан ташқари, агар "Реал" Эндрик билан Чемпионлар лигасида ғолиб чиқса, "Палмейрас"га 500 минг доллардан 2 миллион долларгача пул тўланиши керак бўлган бандлар бор.

Индивидуал мукофотлар ҳам бор: агар Эндрик "Golden boy", "Олтин тўп"ни қўлга киритса ёки ФИФАнинг энг яхши футболчиси мукофотида кучли учликка кирса, "Палмейрас" қўшимча 1 миллион доллардан 2 миллион долларгача пул олиши мумкин.