Энг бой клуб “Реал” ўйинчисига таклиф юборди

“Реал” раҳбарияти ҳужумкор футболчи Марко Асенсио билан ҳамкорликни тўхтатади. Бу мавсум испан футболчиси учун пойтахт жамоасидаги охиргиси бўлади.

Табиийки, “Реал” мактабини ўтаган футболчининг харидори кўп бўлади. Асенсиога ҳозирнинг ўзида жиддий даъвогар бор.

Саудиялик инвесторлар қўлига ўтганидан кейин дунёнинг энг бадавлат клубига айланган “Ньюкасл” Асенсиони мадридликлар билан шартномаси якунланганидан кейин Англия премьер-лигасига кўчиб ўтишини  сўраяпти.

Mundo Deportivo нашри “Ньюкасл” мутасаддилари трансфер масаласини ўйинчининг агенти Жорже Мендеш билан муҳокама қилганини ёзди.

Асенсиони ўз сафида кўрмоқчи бўлаётган жамоалар орасида “Барселона”, “Ливерпуль” ва “Арсенал” бор.