Энг камтар юлдуз Роналду билан хайрлашадиган бўлди

Жаҳон футболида камтаринлиги билан ажралиб турадиган Садио Мане айни пайтда Саудия Арабистонининг “Ан-Наср” жамоасида Криштиану Роналду билан ёнма-ён тўп тепмоқда.

 “Ливерпуль” ва “Бавария”нинг собиқ футболчисида яна Европага қайтиш имконияти пайдо бўлди.

Todofichajes нашрининг маълум қилишича, 32 ёшли ҳужумчига Италия чемпионатидан таклифлар бўляпти. Уни амалдаги чемпион “Интер” ўз сафига қўшиб олмоқчи.

Садио Мане аслида Франциянинг “Мец” жамоаси тарбияланувчиси ҳисобланади. Фаолияти давомида Австриянинг “Зальцбург”, Англиянинг “Саутгемптон” ва “Ливерпуль”, Германиянинг “Бавария” клубларида ўйнаган.

Тажрибали тўпурар 2023 йилнинг ёзидан бери “Ан-Наср” шарафини ҳимоя қилиб келмоқда. Унинг амалдаги шартномаси 2026 йилнинг 30 июнигача давом этади.