Энг мукаммал футболчи ким? Анчелотти жавоб берди

Карло Анчелотти Карим Бенземани мукаммал ва айни пайтда дунёнинг энг яхши футболчиси, деб ҳисоблайди. 

"Бенземани марказий ҳужумчи дея олмайман. Сабаби, у фантастик даражадаги ҳужумкор футболчи. У фақат голеадор эмас, балки, яхши ассистент ҳамда ўйин қуришда иштирок этади. 

Ўйлашимча, Роналду кетганидан сўнг Карим "Реал"да лидер бўла олди. Криштиану бир мавсумда 50 та гол ура оларди. Бензема ушбу вазифани ўз бўйнига олди. Шундай бўлса-да Мадрид жамоасида етакчилар кўп", - деди Анчелотти.