Энг зўр футболчилари қаторида Роналдуга жой берилмади

"Фиорентина" клуби ярим ҳимоячиси Кевин-Принс Боатенг дунёнинг энг зўр 3 та футболчиси кимлиги борасида ўз фикрини билдириб ўтди.

“Мен билан бирга ўйнаган энг зўр футболчи бу шубҳасиз Месси. Унга қарши ва у билан бирга ўйнаган пайтда  катта фарқни ҳис қиласан.

Иккинчи ўринга Ибрагимовични қўйган бўлардим. Албатта, у бошқа даражадаги футболчи. Аммо, унинг бир ўзи ҳам яхши ўйнай олади. Кейинги ўринга Пирлони қўяман. Аммо, ҳар бир учрашувда ғалаба олиб келадиган футболчи бу, албатта Месси”, - дейди Боатенг.

33 ёшли Боатенг фаолияти давомида "Тоттенхэм", "Барселона", "Милан" ва "Баруссия" каби жамоаларда тўп сурган.

Матнда хатолик топсангиз, ўша хатони белгилаб, бизга жўнатинг (Ctrl + Enter)