Энг зўри Ҳусанов! “Манчестер Сити” Абдуқодирнинг футболкасини ютуққа қўйди
Англия кубогининг тўртинчи раундида “Манчестер Сити” ўз мухлислари кўз ўнгида “Солфорд Сити” жамоасини 2:0 ҳисобида мағлубиятга учратиб, мусобақанинг кейинги босқичига йўлланма олди.
Учрашувда Абдуқодир Ҳусанов тўлиқ ўйнади. Ўзбек ҳимоячиси рақибнинг энг тезкор ва жисмонан бақувват икки ҳужумчиси – Келли Н'Маи ва Райан Грейдонга Жеймс Траффорд дарвозасига хавф солиш имконини бермади.
“Манчестер Сити” ижтимоий тармоқдаги саҳифаси орқали Абдуқодир Ҳусановни учрашувнинг энг яхши ўйинчиси сифатида эътироф этиб, фанатлар ўзбек футболчиси автографи туширилган футболкани ютуқ сифатида қўлга киритиши мумкинлигини эълон қилди.
Айни пайтда “Сити” ва Ҳусановнинг дунёнинг турли бурчакларидаги мухлислари тармоқларда ўз фикр-мулоҳазаларини билдирмоқда. Sports.uz портали ушбу муносабатларни ўқувчилар эътиборига ҳавола этади.
Салоҳ Салоҳ:
Раҳмат сенга, Ҳусанов ва “Манчестер Сити”, Жазоирдан муҳаббат билан...
Blessing Gwandira:
Қизиқ, бу йигитни ким кашф қилган экан
Ҳусановга алоҳида салом.
Chimwemwe Msiska:
Мен ҳар доим бу йигит ажойиб футболчи эканини билардим.
Só Futebol7:
Вазифа бажарилди. “Манчестер Сити” барчага нега Англия кубогига даъвогар эканини яна бир бор эслатди. Кейинги бекат — навбатдаги ғалаба.
Maivha Khawelo Dexter:
Барча “шаҳарликлар” мухлисларидан Савиньога вақт беришларини сўрайман. Ҳаётимда Абдуқодир Ҳусанов “Сити”даги бутун фаолияти давомида ўйиннинг энг яхши футболчиси бўлиши мумкин, деб ўйламаганман. Савиньонинг ҳам даври келади ҳали.
Sports Football Lover:
Мен учрашувнинг энг яхши ўйинчиси бўлган Ҳусановнинг футболкасини олишни умид қиляпман.
BART DELTA FORCE:
Ҳусанов “Манчестер Сити” учун катта кучга айланяпти
Delly Bruce Ke:
Ҳимоя бўйича ҳақиқий маҳорат дарсини кўрдик
Vincent K Koech:
Марказий ҳимоячи ўйиннинг энг яхшиси бўлди
Kevin Prince:
Ҳусанов ҳар гал ажойиб ўйин кўрсатяпти
Lars R. Olsen:
Абдуқодирни пайқашганидан хурсандман… жуда ҳам муносиб!!!
Lanre Hayeni:
Ҳусанов ҳимоя генерали. У биз учун совға.
Chileu Chrlo:
Премьер-лиганинг энг яхши футболчиси
Onuh Emmanuel:
Бу йигит — ноёб олмос
Kenneth Esobe:
Жуда муносиб. Чемпиондек ўйнади.
Sarah Maria:
Ҳусанов фантастик ўйинчи
Ayanda Generall Mbili:
Ҳусанов буюк ўзбек девори
Mezgebu M Olana:
Олға, Ҳусанов! Мен рақибларга қарши сенинг реакциянгни доим қадрлайман
Abdul Raheem:
Тошдек мустаҳкам одам
Tut Gil:
Ҳусаов жуда яхши ҳимоячи, лекин Пеп уни ҳар доим ҳам ўйнатмайди.
GameOnwith Yassine:
“Манчестер Сити” ноёб истеъдодларни топишни жуда яхши билади. Ҳусанов, албатта, яхши сармоя!
Vp Ashish:
Ўзбек супер юлдузи
Patrick Jose:
У Льюисдек бақирмайди, лекин яхши ўйнайди
Admire Chihwa Mwasenhu:
У ҳатто хавфли вазиятларни ҳам тўсади.
Towett Afaxard:
Ҳусанов ишни “кўзи”ни билади ва мақсадли ўйнайди, Диаш ва Гвардиол билан бирга узоққа боради!
Sililo Elias:
Ҳусановга тўқнаш келса, ё тўп ўтмайди, ёки рақиб.
Denoh Pon Di Beat:
Муносиб эътироф. Абдуқодир ҳақиқатан ҳам ривожланяпти ва тизимга мослашяпти. Унинг ҳақиқатан яхши эканини қадрлайман, у ҳар доим ишончли бўлишини кўрсатди!
Dee Hem Sguared:
Ҳусанов ҳақиқатан жуда-жуда яхшиланяпти. У тўпни ушлаб тура олади ва тўп билан югура олади.
Connor Rigby:
Бизда Абдуқодир Ҳусанов бор ва у ўзимизнинг қадрдонга айланиб қолди
Georgez Njorofire:
Бу йигитнинг ҳеч қандай душмани йўқ… Ҳусановга ҳурмат!
Фикрлар