Енгил атлетика. Токио-2020 иштирокчиси Садуллаева Жаҳон чемпионатини кучли бешликда якунлади

Сафина Садуллаева Жаҳон чемпионатини бешинчи ўринда якунлади.

Баландликка сакраш дастурида иштирок этган ҳамюртимиз 1.89, 1.93, 1.96 метр баландликларни бир уринишнинг ўзида забт этди. 1.98 метр учун биринчи ҳаракат омадсиз ўтгач, Садуллаева ушбу баландликни ўтказиб юборди ва захирада қолган 2 уринишни кейинги белгиланган 2 метр баландлик учун ишлатишни танлади.

Бироқ якунда ушбу уринишлар ҳам кўнгилдагидек ўтмади. Шу тариқа, Садуллаева мусобақада бешинчи бўлди.