Енгил атлетика. Тошкентда Париж Олимпиадасига лицензия берувчи халқаро хотира турнири старт олди

Бугун пойтахтимизда енгил атлетика бўйича Г.Арзуманов хотирасига бағишланган халқаро турнир бошланди. Бу ҳақда Ўзбекистон Миллий Олимпия қўмитаси хабар бермоқда.

Ушбу мусобақада 13 давлатдан 194 нафар спортчи иштирок этмоқда. Ҳозиргача якунланган баҳсларда ҳамюртларимиз орасида Шоҳруҳ Давлатов 10 000 метрга югуриш, Иван Денисов уч ҳатлаб сакраш дастурларида олтин медални қўлга киритди.

Қайд этиш жоиз, мазкур турнирда атлетлар Париж-2024 нормативларини бажарган тақдирда Олимпия ўйинлари йўлланмасини қўлга киритиш имкониятига эга бўлишади. Кун давомида Шарифа Давронова, Суҳроб Ходжаев, Светлана Радзивил каби таниқли спортчиларимиз ҳам стартга чиқишади.