Енгил атлетикачиларимиз Осиё чемпионатини 2 та медаль билан якунлашди

Жанубий Кореянинг Мокпхо шаҳрида енгил атлетиканинг улоқтириш турлари бўйича Осиё чемпионати бўлиб ўтмоқда. Ўзбекистон терма жамоаси аъзолари эса мусобақадаги иштирокларини 2 та медаль билан якунлади.

Юртдошларимиз муросасиз баҳсларда 1 тадан кумуш ва 1 та бронза медалларини қўлга киритди. Кумуш медалга босқон улоқтириш секторида Зарина Носиржонова эгалик қилган бўлса, ядро улоқтиришда Малика Насриддинова бронза медали соҳибига айланди.

Кумуш медаль:
Зарина Носиржонова (босқон улоқтириш, 64,54 метр)

Бронза медаль:
Малика Насриддинова (ядро улоқтириш, 17,06 метр)

Афсуски, қитъа биринчилигида қатнашган қолган юртдошларимизнинг натижаси медаллар учун етарли бўлмади.