Энрике: "Бу "Реал"ни таҳлил қилиш қийин"

Бугун, 9 июль куни ПСЖ ва "Реал Мадрид" клублар ўртасидаги Жаҳон чемпионати ярим финалида учрашади.

Луис Энрике бугун тунда бўладиган яримфинал бахси олдидан фикрлари билан ўртоқлашди.

"Бу "Реал"ни таҳлил қилиш қийин. Тактик жиҳатдан бу янги жамоа ва шу боис қийинчиликлар туғдиради. Бироқ уларнинг индивидуал кучли футболчилари борлигини ҳамма билади. Менимча, Хаби Алонсо ажойиб жамоа шакллантиришни истаяпти.

Бу алоҳида ўйин. "Реал"га қарши ўйнаш бу турнирда яхши бораётганимизни англатади. Қизиқарли бўлади. Биз жуда руҳланган ҳолда майдонга чиқамиз.

Ашраф Ҳакими - шубҳасиз, мен мураббийлик қилган энг яхши қанот ҳимоячиларидан бири. Чап қанотдаги Нуну Мендеш ҳам жаҳон даражасидаги ўйин намойиш этмоқда," - дейди парижликлар устози.

Эслатиб ўтамиз, ўйин Тошкент вақти билан тунги соат 00:00 да старт олади.