Энтони Жошуа ҳамда Энди Руис ўртасидаги реванш жанги борасида бокс мухлисларининг фикри қандай?

Маълумки, 7 декабрь куни Саудия Арабистонида Энтони Жошуа ҳамда Энди Руис ўртасидаги реванш жанги бўлиб ўтади. Хабарингиз бор, биринчи тўқнашувда мексикалик боксчи сенсацион тарзда Жошуани мағлуб этганди. Бу жанг ҳақида бутунжаҳон бўйлаб турли хил фикрлар билдирилмоқда. Аксарияти британиялик чармқўлқоп устасини ғалабасига ишонишмоқда. Умуман олганда мамлакатимизда ҳам профессионал бокс ихлосмандлари кўплаб топилади. Шу нуқтаи назардан биз ҳам мазкур спорт турига бефарқ бўлмаган юртдошларимиз ўртасида, интернетдаги ижтимоий тармоқларимиз орқали ўзига ҳос сўровнома ўтказдик.

         Жалол Аҳмедов (Фориш)- Жиззах давлат педагогика институти 4- босқич талабаси

- 7 декабрда бутун дунё кутаётган ажойиб ва муболаға бўлмаса ҳал қилувчи жангни гувоҳи бўламиз. Улар ўртасидаги дастлабки жангда Руис ғалаба қозонган бўлсада, реваншда унинг имкониятларини юқори баҳоламайман. Биринчи тўқнашувда Жошуа негадир ўзига ўхшамади. Унга AҚШда биринчи жангини ўтказаётганлиги ва муҳит тасир қилди назаримда. Қолаверса, жангдан олдин у 100 % ғалаба қозонишини ҳис қилган шекилли, рақибнинг кучига паст назар билан қаради. Руис эса аксинча ҳеч қандай босимсиз ҳаракат қилгани рухий тарафлама қўл келганди. 2- жангда Жошуа хатосидан ҳулоса чиқариб, жиддий тарзда тайёргарлик кўрган деб ўйлайман. Хуллас,  Жошуа нокаут билан ғалаба қозонишини тахмин қилмоқдаман.

photo_2019-11-22_14-49-59

                              Мираббос Мирзаҳалилов – Фарғона вилояти Қува тумани, ўқитувчи

Жошуа вс Руис ўртасидаги реванш жангида имкониятларни  85/15 деб баҳолаган бўлардим. Яъни, Жошуа ғалаба қозонади. Бунинг учун унинг техника ва иқтидори етарли... Биринчи жангдаги мағлубият тасодиф эканлигини ҳам исботлайди.

photo_2019-11-22_18-00-18

                                       Сардор Суннатов – Тошкент вилояти Янгийўл тумани

Бутун дунё бокс мухлислари сабрсизлик билан кутётган, Жошуа вс Руис реванш жанги аввалида барча турли хил фикр билдирмоқда. Дастлабки тўқнашув ҳақида гапирадиган бўлсак, британиялик боксчи тактик жиҳатидан катта хатога йўл қўйди. “Сникерс қироли” эса бундан унумли фойдаланиб, деярли уддалаб бўлмайдигандек таассурот уйғотган ишни аъло даражада уддалади. Энди, Жошуанинг хато қилишига хаққи йўқ.  У хатолардан катта хулоса чиқариб олган бўлса керак.

Агар, бу сафар ҳам мағлубиятга учраса, кейин унинг фаолиятига катта таъсир қилиши мумкин. Жошуани  хатоси Руисни масофада ушламаганлигида бўлди. Қўллари калта лекин жуда тез ва зарбаси кучли Руисга қарши яқин масофада имкониятлари кескин тушиб кетишини гувоҳи бўлдик. Британ боксчиси Руисни Кличкони мағлуб этган услуби яъни, масофада “жеб”лар орқали ушлаб турса, очколар ҳисобига кўра ёки 6- раунддан кейин жисмоний ҳолат бош ролга чиққанда аниқ бир зарба билан ўз фойдасига хал қилиши мумкин.
“Сникерс қироли”  боксчилар ватани бўлмиш Мексиканинг оғир вазндаги биринчи чемпиони... Унга шунчаки гап йўқ!  Уддалаш қийин бўлган ишни бажарди. Энди эса, ҳали хам бу муваффақиятни тасодифга йўйган бокс аҳлига яна бир бор исботлаши керак бўлган воқейлик қолди. Хозир бу унинг қўлида... Кейин эса бошқа бундай имконият бўлмаслиги мумкин.

Буни яхши ҳис қилган Руис яна вазн ташлади ва реванш жангида янада тезроқ бўлишини айтди. Мексикалик боксчи тезлик, оёқ харакатлари ва яқин масофа асосий қуроли эканлигини яхши билади. Оғир вазн тоифасида битта зарба ҳал қилувчи бўлишини биламиз ва буни кўрдик.  Кимсан, Жошуа ҳам бу зарба олдида ожиз қолди. Руис буни биздан хам яхши билади. У яна бир бор, Жошуани мағлуб эта олса,  бутун бокс оммаси уни олдида шляпасини ечади.

Аслида, мен бу икки боксчига ҳам мухлислик қилмайман. Лекин ҳар иккиси ҳам хурматга лойиқ. Биз бокс шинавандаларига чиройли жанглар ташкиллаштирилса, фақат хурсанд бўламиз.  Сўнги сўз ўрнида шуни айтишим мумкинки, бу вазн тоифасида тахминлар ўзини оқламаслигини биринчи жангда гувоҳига айландик.  Шундай бўлсада, бу сафар Жошуа хатога  йўл қўймаса керак.

сардор

 Шуҳрат Икромов- Фарғона вилояти, тадбиркор  

Жошуа Руис жангига тўхталсак ҳамма ҳар ҳил фикрда,бу ҳақида кўп мунозара бўлмоқда!

Ман Жошуани Жуда кучли деб ҳисобламайман. Лекин Руисдан мағлубият қабул қилиб оладиган даражада кучсиз ҳам эмас!

Мени аниқ айта оладиган фикрим Жошуа бу сафар мексикалик боксчига  умуман имконият қолдирмайди!

Биринчи жанг....?

Ишонинг боксчилар ҳам кўпроқ пул топгиси келади айниқса "илонни ёғини ялаган" Эдди Хирнни ишонганларидан бўлса !?

Ўзингиз ўйлаб кўринг биргина Жошуани мағлубияти, қанчалик реваншга қизиқиш уйғотмоқда ва бу жанг учун Жошуанинг гонарари 85 миллион доллар... Бу ҳазил сумма эмас. Айни вақтдаги энг машхурларнинг гонорарларидан ҳам 2 баробар кўп дегани!

Яна бир гап Руис билан жангдан аввал AҚШнинг ярмидан кўпи танимасди Жошуани...

photo_2019-11-23_13-33-53

Конор МакГрегор никли бокс мухлиси – Андижон вилояти, Асака шаҳри

Бу сафар буюк британиялик Энтони Жошуа ғалаба қозонади. У бешинчи раундда нокаутга учратади.

Умид Анваров – Самарқанд, тадбиркор

Мени фикрим буйича бу жанг Энтони Жошуа фойдасига хал булади. Бу сафар Жошуа эхтиёткор жанг ўтказади ва албатта ўз камарларини кайтариб олади.

Қўшимча қилсам, Деонтей Уайлдер Луис Ортис ва Тайсон Фьюрилар билан ўтадиган реванш жангларидан сўнг, Энтони Жошуа ва Деонтей Уайлдер тўқнашуви ташкил этилса керак. Албатта, бу жанг 2020 йил сўнгида ташкил этилиши мумкин.

умид

                                 Санжар Мусратуллаев – Сирдарё, ҳаваскор боксчи

Жошуа учун Руис  нокулай рақиблигича қолади. Лекин реванш жангида Жошуа қисман фаворит деб ўйлайман. Чунки тактик ва руҳий жиҳатидан  яхши тайёргарлик кўрди. Фақат у жисмоний тарафлама чарчаб қолмаса бўлгани. Руис ҳис қилиб турибдики, бу унинг фаолиятидаги энг муҳим жанг... Шунинг учун, у ҳам ажойиб тайёргарлик кўрди. Унинг британиялик учун нокулай жиҳати яқин масофада ажойиб ҳаракат қилиши ва асосийси биринчи жангдаги ғалаба мотивацияси билан рингга чикади.

Жанга келсак 60/40 Жошуа ғалаба козонади ...

photo_2019-11-22_14-18-29

Жасурбек Саидмусаев – Тошкент шаҳри, TDYU талабаси

Мазкур жангда Энтони Жошуа ғалаба қозонади. У узоғи билан етти ёки саккизинчи раундларда нокаутга учратади.

жасурбек

             Aдҳамжон Aкрамов – Фарғона вилояти Қува тумани, 12- мактаб ўқитувчиси.

Жошуа бу жангда хато қилмаса керак. Аввалги жангдаги мағлубият Энтонини янада кучлироқ қилган деб ўйлайман. Бу қарма-қаршилик узоқ давом этмайди. Британиялик чармқўлқоп устаси Руисни узоғи билан 7-8 раундда нокаут қилади.

ааа