Энтони Жошуа ҳамда Тайсон Фьюри жанги қачон ва қаерда ўтказилиши маълум

WBC йўналиши чемпиони Тайсон Фьюри (30-0-1, 21 КО) ва IBF, WBO, WBA ва IBO чемпиони Энтони Жошуа (24-1-0, 22 КО) ўртасидаги жанг август ойининг бошида Aр-Риёдда бўлиб ўтиши режалаштирилмоқда.

Саудия Aрабистони жангни ташкил этиш ҳуқуқи учун 150 миллион доллар ажратади. Келишув ҳафта охирида эълон қилиниши кутилмоқда.

Икки британиялик оғир вазн тоифасидаги боксчиларнинг ўзаро тўқнашувига бўлган қизиқиш жуда юқори. Жошуа сўнги жангини 2020 йил 12 декабрда болгариялик Кубрат Пулевга қарши ўтказиб, нокаут билан ғалаба қозонган бўлса, “Лўлилар қироли” номи билан машҳур Фьюри охирги марта 2020 йил 22 февралда Деонтей Уйлдерни техник нокаутга учратганди.

Манба:Sports.ru

Матнда хатолик топсангиз, ўша хатони белгилаб, бизга жўнатинг (Ctrl + Enter)