Энцо Фернандес «Реал»га Кукурелья ўтиши ҳақидаги хабарни маъқуллади

«Челси» ярим ҳимоячиси Энцо Фернандес журналист Фабрицио Романонинг ижтимоий тармоқдаги навбатдаги хабарини ёқтириш орқали Марк Кукурельянинг «Реал Мадрид»га ўтиши ҳақидаги гап-сўзларга яна бир бор сабабчи бўлди. Романо ушбу хабарни якшанба куни кечқурун эълон қилган эди.
 

Эслатиб ўтамиз, бир неча ой аввал Энцо Фернандес Мадрид шаҳрига бўлган самимий муҳаббатини ошкор этган, аммо бу шаҳарнинг қайси клубига нисбатан эканини аниқ айтмаганди. Шу баёнот ўша пайтда катта муҳокамалар ва танқидларга сабаб бўлган.
 

Ўша интервьюда Фернандес Мадридни ўзининг она юрти пойтахти Буэнос-Айресга жуда ўхшатган, айниқса, ошхонаси ва таомлари жиҳатидан ўхшашлигини таъкидлаганди.
 

Аввалроқ Фабрицио Романо хабарига кўра, «Челси» ва «Реал» Марк Кукурелья трансфери бўйича тўлиқ келишувга эришган. Маълумотларга қараганда, испаниялик ҳимоячи жаҳон чемпионати-2026 якунланганидан сўнг Мадрид клубига қўшилади.