Эриксен АПЛдаги юбилей учрашувини ўтказди ва ...

“Тоттенхэм” клуби ярим ҳимоячиси Кристиан Эриксен кеча “Кристал Пэлас”га (2:0) қарши ўйинда ўз ҳисобига 1та гол ва 1та голли узатма ёздириб қўйишга эришди.

Шу куни АПЛда ўзининг 200-юбилей ўйинини ўтказган 27 ёшли даниялик ўз ҳисобидаги ассистлар сонини ҳам 59 тага етказиб олди. Эътиборлиси, у шу тариқа АПЛда дастлабки 200та ўйинда энг кўп голли узатма амалга ошириш бўйича “Манчестер Сити” хавбеки Давид Сильва томонидан ўрнатилган натижасини такрорлади.

Таъкидлаш керакки, бу борада Эриксен фақатгина Сеск Фабрегас (66), Дэвид Бекхэм (62), Тьерри Анри (61) ва Деннис Бергкамп (60) каби футболчилардан ортда қолди холос.