Эриксен "Интер"га ўтиш учун бошқа бир гранд клубнинг таклифини рад этган

Қишки трансферлар даврида "Тоттенхэм"дан "Интер"га кўчиб ўтган ярим ҳимоячи Кристиан Эриксен унга "Бавария" ҳам жиддий харидор бўлганини айтди.

La Gazzetta dello Sport нашрининг хабарига кўра, даниялик футболчи “нерадзуррилар” бош мураббийи Антонио Конте билан шахсан гаплашгач, “Интер” вариантини танлаган. Боиси, Италиялик мутахассис 28 ёшли даниялик футболчи билан бўлган телефон мулоқотида уни ўз жамоасида кўрмоқчи эканини айтган ва уни Миланга кўчиб ўтишга кўндирган.

Натижада, “Интер” Эриксенни 20 млн евро эвазига “Тоттенхэм”дан сотиб олди ва у билан 2024 йилга қадар шартнома имзолади. У ўтган давр мобайнида 8 та ўйинда майдонга тушди ва 1 та гол ҳамда 1 та голли узатмага муаллифлик қилди.

Фикрлар

Фикр қолдириш учун авторизациядан ўтинг!