Эриксен "Манчестер Юнайтед"га ўтишга рози бўлди

Лондоннинг "Тоттенхэм" клуби ярим ҳимоячиси Кристиан Эриксен "Манчестер Юнайтед"га ўтишга қизиқиш билдира бошлади.

The Independent нашри тарқатган хабарга қараганда 28 ёшли даниялик футболчи “қизил иблислар”нинг таклифини кўриб чиқишга тайёр. Таъкидлаш керакки, у дастлаб “Реал”дан қизиқишлар бўлаётган пайтда МЮга ўтишни хоҳламаётган эди. Бироқ, “қироллик клуби” уни сотиб олиш режасидан қайтгани учун манкуанликлар сафига ўтишга рози бўлган.

Маълумот учун, Эриксеннинг “Тоттенхэм” билан амалдаги шартномаси 2020 йилга қадар имзоланган. У “шпорлар” билан келишувни узайтиришни хоҳламаяпти.