Eriksen uchun kurashga "Lester" ham qo‘shildi

“Inter” yarim himoyachisi Kristian Eriksen qishki transferlar davrida jamoani tark etishga yaqin turibdi.

The Telegraph nashri tarqatgan xabarga ko‘ra, 28 yoshli daniyalik futbolchi uchun kurashga “Lester” ham qo‘shilgan. Ammo bu borada “Tottenxem”ning imkoniyati yuqori hisoblanmoqda. “Shporlar” sobiq futbolchisini mavsum oxirigacha ijaraga olishmoqchi.

Kristian Eriksen “Inter” safiga roppa-rosa bir yil muqaddam “Tottenxem”dan ko‘chib o‘tgan edi. U joriy mavsum A Seriyada 9 ta o‘yinda ishtirok etdi.