Eriksenga Italiya chempionatida o‘ynashga ruxsat bermasliklari mumkin
Daniyalik futbolchi Kristian Eriksen yaqinda Finlyandiyaga qarshi o‘yinda yurak xurujiga uchradi. Shifokorlar jarrohlik amaliyoti orqali yarim himoyachiga yurak defibrilatorini o‘rnatishdi, ammo Eriksen endi "Inter"da o‘ynamasligi mumkin.
La Gazzetta dello Sport nashrining ma’lum qilishicha, Italiyada bunday qurilma bilan o‘ynash taqiqlangan.
Ta’kidlanishicha, Italiyada Eriksenga implantatsiya qilingan defibrilator bilan o‘ynashga faqat shifokorlar bu muammo vaqtinchalik ekanligini va kelajakda moslama olib tashlanganini isbotlab berishgan taqdirdagina ruxsat berilishi mumkin.
Shuni aytib o‘tish joizki, Evropaning boshqa mamlakatlarda ham xuddi shunday defibrilator bilan o‘ynayotgan futbolchilarga guvoh bo‘lishingiz mumkin. Masalan, Angliya va Niderlandiyada. Bunga Deyli Blindni yaqqol misol bo‘la oladi.
Fikrlar