Эрлинг Холанд: "12 йилдан кейин ҳам худди шундай ҳолатда бўламан"

"Манчестер Сити" ҳужумчиси Эрлинг Холанд келажакка назар ташлаб, "Реал" ҳужумчиси Карим Бенземанинг ҳозирда ажойиб формада эканлигини таъкидлади. Эслатиб ўтамиз, француз "Олтин тўп"нинг амалдаги соҳиби ҳисобланади.

"Бенземага қаранг, у ҳозир 35 ёшда ва энг яхши жисмоний формада. Мен айни пайтда 22 ёшдаман ва умид қиламанки, 12 йилдан кейин ҳам худди шундай ҳолатда бўламан", - дея норвегияликнинг сўзларидан иқтибос келтиради "GQ Sport" нашри.

Эслатиб ўтамиз, Холанд Премьер лига 2022/23 мавсумининг ярмига келиб, тўпурарлар рўйхатининг пешқадами бўлиб турибди. Унинг ҳисобида 21 та гол бор.

"Манчестер Сити" чемпионлик пойгасида пешқадам "Арсенал"дан 8 очкога ортда қолмоқда. "Канонирлар" да 47 очко жамғарган бўлса, "шаҳарликлар" ҳисобида 39 очко бор.